Kush jemi
Shumë biznese punojnë me një program për arkën, një tjetër për kontabilitetin dhe Excel për gjithçka tjetër. Shifrat shkruhen dy herë, stoku nuk përputhet dhe pronari e merr vesh vonë çka po ndodh.
DrisPRO e bën të kundërtën: një program ku çdo kupon, faturë dhe pagesë regjistrohet një herë dhe shihet kudo. Arka e zbret stokun, fatura shkon në libra, dhe raporti i mëngjesit është gati pa e prekur askush.
E ndërtojmë për mënyrën si punohet këtu: me TVSH-në, deklaratat dhe rregullat e Kosovës dhe Shqipërisë, në gjuhën shqipe, dhe me një arkë që shet edhe kur bie interneti.
- Emri
- DrisPRO
- Regjistrimi
- I regjistruar në ARBK, Kosovë
- Numri unik (NUI)
- 812498493
- Fiskalizimi
- Në proces në ATK
- Klientët
- Mbi 50 biznese në Kosovë dhe mbi 270 në Ballkan e Evropë
- Telefoni
- +383 49 641 885, çdo ditë 08:00–23:00
- [email protected]
- Ku punojmë
- Kosovë, Shqipëri, Ballkan dhe Evropë
- Programi
- Windows, Mac, Android, iPhone dhe çdo shfletues
Si punojmë
Një program biznesi nuk blihet një herë. Punohet me të çdo ditë, prandaj këto janë rregullat tona.
Programi përmirësohet vazhdimisht
Përditësimet vijnë vetë, edhe te klientët me server të vetin. Nuk paguani për "versionin e ri" dhe nuk prisni një vit për një ndryshim.
Kërkesat e klientëve hyjnë në program
Çdo klient i dërgon kërkesat e veta nga brenda programit. Ato që u duhen shumë bizneseve bëhen pjesë e DrisPRO për të gjithë.
Të dhënat janë tuajat
Ju zgjidhni ku rrinë: në cloud ose në serverin tuaj. Kopjet rezervë bëhen vetë çdo natë, dhe çdo raport del në Excel ose PDF.
Programi e përgatit, njeriu e vendos
DrisPRO i bën vetë punët e përsëritura, por çdo gjë që prek paratë, ligjin ose mallin pret që një njeri ta konfirmojë.
Mësohet pa kurse
Çdo faqe shpjegon çfarë bën, dhe çdo punëtor ka trajnimin e rolit të vet brenda programit, nga arkëtari te kontabilisti.
Teknologji e sotme
Asistent me inteligjencë artificiale që përgjigjet nga të dhënat tuaja, lexim i faturave nga fotoja, dhe punë nga kompjuteri ose telefoni.
Pyetje të shpeshta
Përgjigje të shkurtra për pyetjet që na bëhen më së shumti.
Çka është DrisPRO?
DrisPRO është një program për drejtimin e biznesit: arka (POS), stoku, blerjet, shitjet, kontabiliteti dhe pagat, të lidhura mes tyre në një vend.
Për cilat biznese është?
Për markete dhe supermarkete, restorante dhe kafene, shumicë dhe distribucion, prodhim, shërbime, hotele, sallone, klinika, autoservise dhe palestra.
A punon arka pa internet?
Po. Arka vazhdon të shesë edhe kur bie interneti, dhe kur kthehet lidhja çdo kupon dërgohet vetë.
Ku ruhen të dhënat?
Ju zgjidhni: në cloud ose në serverin tuaj. Kopjet rezervë bëhen vetë çdo natë.
Si kalohet nga një program tjetër?
Me hapa brenda DrisPRO: fillimisht të dhënat bazë nga Excel-i, pastaj gjendja në ditën e kalimit, dhe në fund krahasimi i totaleve me programin e vjetër.
Si është gjendja me fiskalizimin?
DrisPRO është në proces të fiskalizimit në ATK. Kur procesi të përfundojë, do ta shpallim këtu.
Shikojeni me të dhënat e biznesit tuaj
Na tregoni kush jeni. Ju thërrasim dhe përgatisim një demonstrim me një biznes si i juaji.
Kërko demo